Lyrics:

Die Sunn laach jetzt widder für Dich
rus us dem Schatte, endlich zurück in et Leech
Du blievs ston – uch im Sturm, denn Du bis nit allein
Hinger Dir Dorne un Stein

Du bis drüvver fott, su leich kritt mann Dich nit klein
un ne Wind lau un wärm
hät ding Träne Dir jedrüch – der Kummer fottjewischt

Ding Zick kütt jetzt, Marie
ding Stän, die ston jot wie nie
Ding Zick kütt jetzt, Marie
ding Stän, die ston jot wie nie, su jot wie nie

Du häs et uns allen jezeich
wat einmol hinfällt, hät et am Anfang nit leich
doch Du steis, he vör mir
sag mir, wie kunnt ich nur zweifeln an Dir

Ding Zick kütt jetzt, Marie
ding Stän, die ston jot wie nie
Ding Zick kütt jetzt, Marie
ding Stän, die ston jot wie nie, su jot wie nie