Lyrics:

Fin desso, aguasso, el da fatidio ma el se se suga
Vardo vanti, e spero che no piova
Gnente pi da dire, gnente pi da vedare,
Gnente pi da bevare o che i possa fame credare
Mi no go pi gnente da spartire co sta xente
Ti tira su ch'el deo se no te ne frega gnente

Anca sto ano el to paron no te voe mae
Butilia e paneton pa e feste de nadae
Te si contento e i te fa passare da cojon
I ciapa do gaine co un gran de formenton
Go na imaginasion che pa ciapaea ghe voe do man
Ea struco come che el fisco fa co un artigian
Pi che altro vardo basso, pi che altro pal fato
Che no voio scapussarme fando ancora naltro passo
No-no, i erori no te i cuerzi col biancheto
No-no, sensa ciave no te verzi chel lucheto
Gheito dee rogne? Desso tee grati
Pa 'ndaghe contro a xente co dieze avocati
Cuerzete col tenpo se fa brueo
Cuanto veto vanti a fare stronsi pi grossi del cueo
Poco, o mejo, cuasi gnente,
Specialmente coi se nincorze e ti el te se strenze

Nialtri? Mai sta cuatro amici al bar
Ma se te vardi un fia' forse te me cati la
Fin desso, aguasso, el da fatidio ma el se suga
Vardo vanti, e spero che no piova
Gnente da spiegare cua' ognuno pensa al suo
Xente te da ea' sodisfasion de un caco cruo
Me pare de parlare co dei tosatti
El pi dee volte ea' finisse a cartoni animati
Te ghe a che fare ogni di co menti massa picoe
Gare pa e fregoe e pretese assai ridicoe
Dai, fame ridare, dai fame vedare
Ramenate par tera e conta robe da no credare
Co xe ora de scanpare chi xe che se destriga?
Chi xeo cueo che prima copa e poco dopo siga?
Fassie fare el pacifista co nissuni no te bate
Massa fassie, desso, pea ste patate

Sorisi de ceramica, ti fidate dei bei
De cuei che ponta el deo e xe grassi come dei porsei
Cua nissun xe cussi' mona, cua' gnanca el piu' merdoso
Pesse al cueo i varda in facia e se emosiona
Chi dizeva vegno e invesse iera un busiaro,
Eo go inpinio de besteme pi che al barcaro (zio lazarone)
No stame far promesse tanto ti no tee mantien
Specie cuando che te cambi idea come chee vien
Tuti me consilia cossa che me servaria
Mi me basta casa mia, na piassa e na ostaria
Na vita che fasso corse, che so in forse
Co e me risorse e me ruspa un fia' e borse
Stago trancuio tanto cossa me farai
I pol s-ciopare desso tuti rossi sfogonai
No serve pi ciapassea pa ogni roba e senpre
Xe come ciapare el soe so na spiaia in disembre