Lyrics:

Manchesmal, da spüa i so a Zieh'n in der Brust und dann is Zeit
Aus heiter'm Himmel packt's mi und dann waß i, jetzt is wieder amal soweit
Da gibt's gar nix, da brauch i net überlegen, heut muaß i mir's wieder geben

Da führt ka Weg vorbei, alles andere is vollkommen egal
Das is ma eh net neu, plötzlich bin i dann total sentimental
Und dann waß i, was i brauch und was i will, i brauch mei Überdosis G'fühl

Dann muß i a paar alte Hadern hör'n, und muß zu de paar alten Hadern plärr'n
Rinnen muß das Schmalz und i sag, Gott erhalt's
Schenk mir no a Viertel ein und denk, was sein muß, das muß sein

Mit "Long And Winding Road", da fang i an und bald bin i bei "Let It Be"
Die Rührung und der Wein steigen mir in's Hirn, jetzt is ka Zeit mehr zu verlier'n
"Angie" und "If You Leave Me Now", gleich bin i endgültig dran

So geht's bis viertel Viere in der Fruah, bald geht die Sunn auf, i hab no net g'nua
Die Straßn menschenleer, mei Kopf verraucht und schwer
Soviel Bilder, soviel G'schichten, soviel Schmerz und soviel Herz

Jetzt is es um mi g'scheh'n, jetzt heb i ab, jetzt halt mi wirklich nix mehr auf
So is es halt im Leben, manchmal nimmt das Schicksal gnadenlos sein' Lauf
Und i laß mi eini ohne Maß und Ziel, gib mir mei Überdosis G'fühl