Lyrics:

Stu core tene famme
E nun ce sta ristorante
Ca te porta 'e vinte anne
Dint'o piatto do' tiempo!
Comm'è triste 'sta pizza..
Chi l'a fatta ha sbagliato
Nun c'ha miso 'a allerezza
Nun c'ha miso o passato!
Che peccato!
Nun c'ha miso o passato!
'Na sirena d'argiento
Mo' è na femmena e vita!
'Na cerniera 'e cemento
Ca'annasconne 'e ferite!
Marrucchina e spagnola
Capitale 'e 'cchiù niente!
Io t'acconcio 'e 'llenzole
E tu duorme cuntenta!
Che peccato!
A città addo' so' nato!
Ma 'sti capille nire so' i 'cchiù nire
Che scenneno pe' i viche dei quartieri
Cu' stu mare ca' te fa d'acqua santiera
Cu' sta voce ca 'iastemma 'na preghiera
E 'mo ca stai malata e adda passa 'a nuttata
Io pe 'tté, io pe 'tté, io pe 'tté!
Io pe 'tté so' turnato!
Inta 'a città addò so' nnato!
Io so' pullucenella, mo me chiammano azz
Tengo 'into 'o core 'a livella
E o vesuvio 'into o mazzo!
Chi s'è visto s'é visto
Ma pecché so turnato?
Mo me sento turista
'inta 'a città addò so nnato!
Che peccato
'a città addo' so nato!
Ma 'sti capille nire so' i 'cchiù nire
E sta napolitudine t'accire!
Quando stai luntano è nu raggio 'e sole
Te fa sciogliere stu' sangue 'e pummarola!
Mo' siente na canzone ca pass 'inta 'a nuttata
E accussì, e accussì, e accussì,
E accussì so turnato inta 'a città addo' so 'nnato!
Pecché tu stai malata e adda' passà 'a nuttata!