Wat hät doch Köln sing Eigenart verlore wie wor dat lääve he am Rhing so nett Mer is sich selver net mie räch im klore ob mer ne Fimmel oder keine hät der fremde krom et es doch zo bedoore als aahle Kölsche schüddelt mer de Kopp deit mer sich bloß die dänz vun hück beloore stüß einem jeidesmol de Haimat ob...
REFRAIN: Nä wat wor dat fröher schön doch in Colonia, wenn der Franz mem Nieß nom aahle Kohlberg jing, Wenn der Pitter ärm in ärm mem Appolonia still verjnöösch um heimwesch ahn zo knutsche fing.
Die sechsmol zwei und zwanzig baare Pfeenige dat wor ne Woche Lohn vun nem Kommiß, der wood verdanz mer fohlt sich wie die Könige die Zech zom schluss bezahlte meschtendeils et Liss, die Kavaliere lehten mit sich handele wenn mer als Mädche schliss un Kohldamp hat, trock he en dösche mit jebrannte Mandele die wooten dann jelötsch bis dat mer saat... REFRAIN....