Lyrics:

Notte staje ncielo e notte mmiezo 'o mare
Mille feneste scurano luntano
Luce una sola ancora
L'ammore mio 'nce sta
Cu l'uocchie m'accumpagna

Me lassa tutt'e sere cu nu vaso
E me saluta ca le tremma 'a voce
Notte che pace daje
Notte che faje sunnà'
Fà' che s'addorme

E nun'o ssape quant'a voglio bene
Ch'io moro pe' aspettà' ch'o juorno vene
Io smanio e cerco 'o sole
'O primmo sole pe' turnà'

Notte pe' mare notte 'e piscatore
Pecchè m'astrigne e nun me lass'ancora
Notte che pace daje
Notte famm'abbraccià'
A chi m'aspetta

E nun'o ssape quant'a voglio bene
Ch'io moro pe' aspettà' ch'o juorno vene
Io smanio e cerco 'o sole
'O primmo sole pe' turnà'
...
Io smanio e cerco 'o sole
'O primmo sole pe' turnà'