Lyrics:

In letzter Zeit wird des scheinboa wieda modern I kaun des olles laungsam neht mea hean Immer wieder da söbe Oide Kas Bluat und Bodn, Voik und Rass Reinrassig sein is wieder wos wert jo samma vielleicht Hund oda bin I a Pferd doch bevor I do gross wos dazöh' gestatten bitte, dass i mi vuastöh' Mei Uagrossvotta wor a Bergbauernbua A Lederhosnjodla, deitsch ois wie nua Sei Frau a Kindamadl aus irgendan Nest Zwischn Balaton und Budapest Der aundare a Fohrender, so hod ma gsogt A Fescher, die Uroma hod net laung gfrogt Und I steh vorm Spiegel und I schau mi aun und daun sog I: olle Ochtung, an dem is wos draun I hob a Tiachl auf, a Kippa, an Steirahuat Und wo da Wüdboch rauscht, do bringt mi kana fuat I steh auf Hammlbrotn und auf Kaiserschmoan Und ohne Tamburizza-Musi war i valoan I bin aus Indien, I bin aus Palestina Da Wachau, da Ramsau, sogoa aus Afrika und China Von do und duat, von duat und do In mein Bluat, na habedehre Do spüht sa si ob I bin die Feine Mischung, Special Blend Soiche wie mi, wahs'd wie ma de nennt I bin die wilde Sorte, do wean Braune bleich.... I bin aus Österreich! Wenn I Kärntnerliada hea, wos I do olles gspia Jo do singt a glei mit, da Slowene in mir Und bringt mi de gaunze Wöht zum rean Muass I auf da Stöll a Tuba hean I bin a bämischa Jud, a Zigeina aus Wien Bin Sennerin, Hausmasta und Muezzin I bin a junger Römer, a oider Kroat' Wenns mi net gebat, des wär ewig schod I bin die Feine Mischung, Special Blend Soiche wie mi, wahs'd wie ma de nennt I bin die wilde Sorte, do wean Braune bleich.... I bin aus Österreich! Der ane hahst Drago is blond und schaut mit blaue Augen in die Wöht Da aundre hahst Gert und schaut genauso aus Wia ma si hoid so an Drago vuarstöht Die an san arisch, die aundan san narrisch Monche san beides zugleich Es mischt si hoid olles, so oder so - Bei uns in Österreich!!! I bin die Feine Mischung, Special Blend Soiche wie mi, wahs'd wie ma de nennt I bin die wilde Sorte, do wean Braune bleich.... I bin aus Österreich!