I di a ou en lèr dann miyè la mèr la Té navé groblan si bato lontan I di aou dann fon sou bato lontan Té navé bann nwar té konm zanimo Zot i vir par isi zot i bingn dann san Zot i vir par la nana loséan Banm kalou banm, ban kalou banm...
Vyé gramoun i di dann tan komander Té navé boug nwar té i tyé zot frer Aforstan soufer la pran la kouler Kouler flabwayan kan sa lé an fler Lo san la kayé dési not pasé Boubou la pousé la pokor pété Banm kalou banm, ban kalou banm...
Zot i wa zordi ni désot la mèr Pou nou rod travay wi nou lé somer Zot i wa taler mi sa pran lavyon Po kit mon péi i appel la Rényon Zémigré zordi, lesklavaz lontan Pari lé zoli nou na pi zinzan Banm kalou banm, ban kalou banm...
Komander zordi pi parey lontan Sabouk koméla : zot i roul langaz Zot i gingn larzan po byin koz fransé In morso kréol lé pi kab tiré, Koté zot n'in pep la po rod kriyé, I sa pa lékol i sava maron. Banm kalou banm, banm kalou banm...